Operation Sindoor Shirur Rally:’ऑपरेशन सिंदूर’च्या समर्थनार्थ शिरूरमध्ये भव्य तिरंगा पदयात्रा!(पहा व्हिडिओसह)

Operation Sindoor Shirur Rally:देशभक्तीच्या भावनेने भारले शिरुर!

शिरूर, १९ मे २०२५ —(Satyashodhak News Report)

Operation Sindoor Shirur Really:भारत माता की जय… वंदे मातरम्… इन्कलाब जिंदाबाद! या घोषणांनी शिरूर शहर आज देशभक्तीने सळसळून निघाले होते. ‘ऑपरेशन सिंदूर’ या भारतीय सेनेने केलेल्या यशस्वी मोहिमेच्या समर्थनार्थ आणि कृतज्ञता व्यक्त करण्यासाठी शिरूर शहरात भव्य तिरंगा पदयात्रेचे आयोजन करण्यात आले होते. या “Operation Sindoor Shirur Rally” मध्ये हजारो राष्ट्रप्रेमींनी उत्स्फूर्तपणे सहभाग घेतला.

कपाळावर सिंदूर लावून “ऑपरेशन सिंदूर”मानवंदना —

ही पदयात्रा छत्रपती शिवाजी महाराज पुतळा (मार्केट यार्ड) येथून सुरू होऊन, हुतात्मा स्मारक चौक (शिरूर नगरपालिका मंगल कार्यालयाजवळ) येथे समारोपास आली. हातात तिरंगा, ओठांवर देशभक्तीपर घोषणा आणि चेहऱ्यावर अभिमानाचा झळाळाट घेऊन नागरिकांनी सहभाग घेतला. विशेष म्हणजे महिलांनीही या पदयात्रेत अत्यंत उत्साहाने भाग घेतला, अनेक महिला पारंपरिक वेशात, कपाळावर सिंदूर लावून “ऑपरेशन सिंदूर” मधील सैनिकांना मानवंदना देत चालल्या होत्या.

ऑपरेशन सिंदूर म्हणजे काय?—

‘ऑपरेशन सिंदूर’ ही भारतीय लष्कराची एक महत्त्वपूर्ण आणि गुप्त लष्करी मोहीम होती, जी देशाच्या सीमांवर झालेल्या घुसखोरीविरोधात यशस्वीरीत्या पार पडली. या मोहिमेद्वारे भारतीय जवानांनी शत्रूच्या भूमीत घुसून धाडसी कारवाई करत आपल्या देशाच्या सुरक्षेचे अद्धितीय उदाहरण सादर केले. या कारवाईत अनेक जवानांनी अत्युच्च शौर्य दाखवले आणि देशासाठी प्राण पणाला लावले.

‘सिंदूर’ एक भावनिक अर्थ—

ही मोहीम ‘सिंदूर’ या शब्दाशी जोडलेली असल्याने त्यामागे एक भावनिक अर्थ आहे — जशी विवाहित स्त्री आपल्या कपाळावर सिंदूर लावते, तसेच या ऑपरेशनद्वारे भारतमातेच्या सन्मानासाठी जवानांनी ‘शौर्याचे सिंदूर’ लावले. हेच भावनिक बंध निर्माण करणारे ‘Operation Sindoor Shirur Rally’ राष्ट्रप्रेमाचा अद्वितीय संदेश घेऊन पुढे सरसावले.

पदयात्रेचे आकर्षण—-

या पदयात्रेत विविध झेंडे, बॅनर, ढोलताशा आणि देशभक्तीपर गीते यांचा समावेश होता. “हम हैं सेना के साथ… पुरा राष्ट्र है ऑपरेशन सिंदूर के साथ” या घोषणांनी परिसर दणाणून गेला. अनेक विद्यार्थी, सामाजिक कार्यकर्ते, महिला आणि युवक सहभागी झाले होते. अनेकांनी हातात भारतीय ध्वज, फलक आणि ‘ऑपरेशन सिंदूर’चे पोस्टर घेतले होते.

समारोप प्रसंगी काही मान्यवरांनी व्यक्त केलेले विचार पुढीलप्रमाणे—

• “ऑपरेशन सिंदूर ही केवळ एक लष्करी कारवाई नव्हे, तर भारताच्या अस्मितेचे प्रतीक आहे.”

• “आपले जवान दररोज सीमांवर झगडतात, आपण त्यांच्या पाठिशी उभे राहणे हे आपले कर्तव्य आहे.”

• “शिरूरमधून दिलेला हा देशप्रेमाचा संदेश संपूर्ण महाराष्ट्राला प्रेरणा देईल.”

हा कार्यक्रम यशस्वी करण्यासाठी ‘समस्त राष्ट्रभक्त शिरूर व पंचक्रोशी ग्रामस्थ बंधू भगिनींनी’ मोठा सहभाग घेतला. हे आयोजन शिस्तबद्ध आणि सुसंगठित पद्धतीने पार पडले.यांमधे प्रामुख्याने राहुल पाचर्णे,भारतीय जनता पक्ष,शिरुर तालुका, सुनिल जाधव,श्रीराम सेना,प्रिया बिरादार,भाजप महिला, स्वप्नील रेड्डी,पत्रकार, पोलिस बांधव,इ.मान्यवर उपस्थित होते.

आणखीन वाचवण्यासठी क्लिक करा….

भारतीय सेना – अधिकृत संकेतस्थळ

डिफेन्स न्यूज इंडियाचा ‘ऑपरेशन सिंदूर’ संदर्भ

PIB India – Operation Sindoor Reports

About The Author

Dr.Nitin Pawar

डॉ. नितीन पवार हे सत्यशोधक ब्लॉगचे संस्थापक आणि संपादक आहेत. ते सामाजिक न्याय, शिक्षण, राजकारण आणि चालू घडामोडींवर धाडसी, विश्लेषणात्मक आणि जमिनीच्या पातळीवरील दृष्टीकोनातून लिहितात.

डॉ. राजकीय पवार सामाजिक प्रश्न, शिक्षण आणि राजकारणावर अभ्यासपूर्ण आणि निर्भीड लेखन करतात.

See author's posts